FOKUSATU-Tumbuhan Obat Di Sekitar kita ,kata Baba Endi yang berdomisi di Kawasan Condet memberikan informasi tentang manfaat pohon kemuning ,berikut penjelasan beliau :
Memenuhi permintaan beberapa orang kawan, nyang pengen banget dijelasin so’al manfaat pohon Kemuning.
sebab dirumenye ade tige batang pohon Kemuning yg gede-gede,… Yg die tau selame ini, sellaen buat adem-ademan juge kembangnye nyang wangi……
Buat abang-abang ame empo’-empo’ nyang penasaran ame manfaat pohon kemuning ini. Sedikit aye mao cerite….
Sekitar taon 1978 aye punye nene’ ampe kelilingan nyari bibit pohon kemuning…. Aye penasaran, sebab aye kaga tau yg namenye pohon kemuning kaye ape, nyang kedue…kenape aye punye nene’ ampe segitu penasarannye ame ni pohon… Suatu hari, الْحَمْدُ لِلَّهِ رَبِّ الْعَالَمِينَ aye dapet bibit pohon ini, aye tanem dihalaman rume, ampe gini hari masih ade tuh pohon dihalaman rume aye….. Ternyate manfaat dari pohon Kemuning ini banyak banget…
Pertame: AKAR kemuning buat ngobatin sakit encok atau Rematik… Carenye akar kemuning kire-kire 30 gram.. Dicuci, kemudian direbus ame aer 1,5 gelas ditambah arak 1,5 gelas. Ampe tersise 1 gelas, nah rebusannye yg campuran arak ame aer ntu…dibagi 2… Masing-masing setenge gelas…buat minum pagi ame sore…. Begitu seterusnye ampe seminggu… Insya Allah sembuh…
Yg kedue.. Buat ngelangsingin Badan. Terutame buat perempuan yg baru ngelahirin… DAON KEMUNING ame DAON MENGKUDU masing-masing kire-kire segenggenggeman tangan ditambain ame temu giring sebanyak kire-kire 1 jari telunjuk.. Ditumbuk halus sampe rata kasih aer kire-kire secangkir… Kemudian diperes… Terus aer peresannye diminum sekaligus, pagi-pagi sebelon makan…
Nyang ketige… Buat penyakit lelaki, yaitu “Radang Buah Zakar”. Daon Kemuning, ame daon Sambiloto, kire-kire 60gram.. Direbus ame aer 3 gelas, ampe tersise 1 gelas…… Lalu dibagi dua, masing-masing setenge gelas, buat minum pagi ame sore……
Yg keempat buat Infeksi saluran kencing, kalo kaga sale ane pernah menguraikan dipostingan aye terdahulu… Carenye yatu Daon Kemuning kire-kire 35 gram direbus ame aer 3 gelas, sisain separonye…terus dibagi 3 masing-masing setenge gelas, buat diminumin pagi, siang ame sore.yg kelime, buat penyakit perempuan yaitu ‘Datang Bulan kaga teratur’….. Daon kemuning ame daon pacar masing-masing setenge genggem, terus ditambain temulawak kire-kire 1 jari telunjuk… Direbus ame aer 3 gelas, sisain segelas, dibagi dua masing-masing setengah gelas… Buat diminumin pagi ame sore… Begitu buat abang-abang ame empo-empo semue…..
